БОГОЯВЛЕНИЕ Вместо обычных антифонов праздничные Антифон 1 Во исходе Израилеве от Египта, дому Иаковля из людей варвар. Припев: Молитвами Богородицы, Спасе, спаси нас. Бысть Иудеа святыня Его

БОГОЯВЛЕНИЕ
Вместо обычных антифонов праздничные
Антифон 1
Во исходе Израилеве от Египта, дому Иаковля из людей варвар.
Припев: Молитвами Богородицы, Спасе, спаси нас.
Бысть Иудеа святыня Его, Израиль область Его. Молитвами Богородицы:
Море виде и побеже, Иордан возвратися вспять. Молитвами Богородицы:
Что ти есть море, яко побегло еси, и тебе Иордане, яко возвратился еси вспять? Молитвами Богородицы:
Слава Отцу, и Сыну, и Святому Духу и ныне: Молитвами Богородицы:
Антифон 2
Возлюбих, яко услышит Господь глас моления моего. Спаси ны, Сыне Божий, во Иордане крестивыйся, поющия Ти: Аллилуиа.
Яко приклони ухо Свое мне, и во дни моя призову. Спаси ны, Сыне Божий:
Объяша мя болезни смертныя, беды адовы обретоша мя, скорбь и болезнь обретох, и имя Господне призвах. Спаси ны, Сыне Божий:
Милостив Господь и праведен, и Бог наш милует. Спаси ны, Сыне Божий:
Слава, и ныне: Единородный Сыне:
Антифон 3:
Исповедайтеся Господеви, яко благ, яко в век милость Его. Тропарь: Во Иoрдане крещающуся Тебе Господи, Троическое явися поклонение: Родителев бо глас свидетельствоваше Тебе, возлюбленнаго Тя Сына именуя: и Дух в виде голубине, извествоваше словесе утверждение, явлейся Христе Боже, и мир просвещей слава Тебе.
Да речет убо дом Израилев: яко благ, яко в век милость Его. Во Иoрдане крещающуся Тебе Господи:
Да речет убо дом Ааронь: яко благ, яко в век милость Его. Во Иoрдане крещающуся Тебе Господи:
Да рекут убо вси боящиися Господа: яко благ, яко в век милость Его. Во Иoрдане крещающуся Тебе Господи:

После входа с Евангелием тропарь и кондак:
Явился еси днесь вселенней, и свет Твой Господи знаменася на нас, в разуме поющих Тя: пришел еси и явился еси, Свет неприступный.
Вместо «Трисвятого»: Елицы во Христа креститеся, во Христа облекостеся.
Прокимен, глас 4: Благословен Грядый во имя Господне, Бог Господь и явися нам.
Перед Причастием: Явися благодать Божия спасительная всем человеком.

В конце службы:
Тебе Бога хвалим, / Тебе Господа исповедуем, / Тебе Превечнаго Отца вся земля величает; / Тебе вси aнгели, / небеса и вся Силы, / Тебе Херувими и Серафими непрестанными гласы взывают: / Свят, Свят, Свят, Господь Бог Саваоф, / полны суть небеса и земля / величества славы Твоея, / Тебе преславный Апостольский лик, / Тебе пророческое хвалебное число, / Тебе хвалит пресветлое мученическое воинство, / Тебе по всей вселенней исповедует Святая Церковь, / Отца непостижимаго величества, / покланяемаго Твоего истиннаго и Единороднаго Сына / и Святаго Утешителя Духа. /
Ты, Царю славы, Христе, / Ты Отца Присносущный Сын еси: / Ты, ко избавлению приемля человека, / не возгнушался еси Девическаго чрева; / Ты, одолев смерти жало, / отверзл еси верующим Царство Небесное. / Ты одесную Бога седиши во славе Отчей, / Судия приити веришися. /
Тебе убо просим: / помози рабом Твоим, / ихже Честною Кровию искупил еси. / Сподоби со святыми Твоими в вечной славе Твоей царствовати. / Спаси люди Твоя, Господи, / и благослови достояние Твое, / исправи я и вознеси их во веки; / во вся дни благословим Тебе / и восхвалим имя Твое во век и в века века. / Сподоби, Господи, в день сей без греха сохранитися нам. / Помилуй нас, Господи, помилуй нас: / буди милость Твоя, Господи, на нас, / якоже уповахом на Тя. На Тя, Господи, уповахом, / да не постыдимся во веки. Аминь.
13PAGE 14315


13PAGE 14315




Qђ Заголовок 2Њђ Заголовок 3 Заголовок 4Основной шрифт

Приложенные файлы

  • doc 3285297
    Размер файла: 43 kB Загрузок: 0

Добавить комментарий